ENVY

ENVY taldea screamo musikaren aitzindarietarik bat da. Gainera, generoaren oinarriak berrikusi ditu eta aldaketa harrigarriak ekarri dizkio. Gure samuraiek amorrua, suhartasuna eta sotiltasuna uztartzen dituzte. Formula: musika trinko eta melodikoa eta ahots urratuarekin oihukatutako hitzak.

Orchid taldearen gisara, screamo musikaren ikurra da Envy. Halere, taldeak post-rock eragin nabarmenak ditu, eta, ondorioz, nolabaiteko kantu hibridoak sortzen ditu, erritmo bortitzen eta musika tarte hipnotikoen artean, melankolia bikainaren eta leherketa ikaragarrien artean.

Baina, oroz gainetik, agertokian hartzen du taldearen musikak bere hedadura osoa!

♥ Touché Amoré / Converge

THISQUIETARMY

Thisquietarmy Eric Quachen proiektu musikala da, etengabeko eboluzioan, gitarra elektrikodun drona inprobisatuaren inguruan.

Esperimentu elektronikoak egiten ditu, metalaren ehundura psikikoa post-rock eta krautrock-arekin ezkonduz.