Kukai Dantza ~ Eta orain…?

20 urteko ibilbidearen ondotik, konpainiak galdera hau egin du: Eta orain…?. Bidegurutze batean dagoela oharturik, Jon Maya koreografoak sormen berri hau udaberria heldu balitz bezala pentsatu du, gaztetasun iturri eta oldar berrien garaia baita primadera.

Martha Grahamek Aaron Copland musikagile amerikarrari eskatu zion Appalachian Spring-en udaberriko melodietan oinarriturik, Jon Mayak Pascal Gaigne musikagileari galdatu dio klasiko handi hau berrikusteko, soka-dantzaren inguruan, gizarte-kohesioaren ikurra den aspaldiko erritu-dantzaren inguruan.